嘩，好耐都無寫日記啦，呢個禮拜真係好多野發生丫… 5/5(Mon) 呢日都係一早返工，返工做咩都唔係好記得啦…夜晚同0左jarb去旺角食飯，去0左一間cafe，0的0野唔好食，不過好在無咩人，可以傾好耐…0個晚傾0左好多野丫，我地仲話一齊去讀會計tim，希望真係可以實現啦…講到差唔多九點幾就走啦，因為我要返屋企睇波丫﹗睇完波，一點鐘度就訓啦… 6/5(Tue) 仲冇兩日就生日啦…呢日返工好似無野做架，之後就等平凡食晚飯，winnie同我一齊搭車，佢講0左好多野俾我聽，希望你真係會得到你想得到0既野啦…之後同平凡食飯，我地好耐都無見啦，不過佢仲記得我0的野…原來佢等佢女朋友回頭已經等0左三年半啦…我覺得咁樣好辛苦，點解要為0左一個唔中意你0既人晒時間﹖我都係覺得要對自己好0的，不過佢決定0左咁樣，作為朋友0既我，只可以0係佢身邊開解佢，希望你以後都可以開開心心啦，我地永遠都會係好朋友﹗ 7/5 (Wed) 仲有一日就生日…今晚同行順人去晚飯，出席者有Jenny, Mandy, Phoebe同Amy…我地去0左apm0既牛陣食，0的野都幾好食，不過得一個半鐘0既時間食咋，所以都無咩講過野咁，我又有0的呆呆地…不過我0個晚好開心丫，因為我收到好多禮物丫，Jenny勾0左個手袋俾我，仲有好多公仔…Mandy送0左個Cushion俾我，係forever fd...Phoebe都送0左條手鏈俾我丫，我真係無諗到你地會送禮物俾我架，我真係好開心丫，多謝晒~食完野，同Phoebe去睇袋，但係佢最後都係買唔到，行多一陣就返屋企啦~真係好開心~希望我地可以快0的再見面啦~ 8/5(Thu) 生日正日，一早連呢日係自己生日都唔記得，要Hazel提我先記得今日係8號，之後好快上完堂就同佢地食飯啦~點知搞搞下，去0左聯邦大酒樓度食飯，有成十八條友~食食下，無啦啦俾人爆0左話我今日生日，佢地既然叫0左壽包俾我食，雖然其實我唔係幾想俾佢地知我今日生日，不過都多謝晒咁多位咁有心丫~返到去hsbc無野做，係咁0係度影相，點知俾個黑面神叫我地自修要做返自修0既野，咁又唔走得wor，咁就同班女仔吹水吹到夠鐘為止~happy!之後放工同0左Hazel& Yannes去太子睇鞋，最後Yannes都係買唔到鞋丫~原來腳大都好難買鞋架~行完街就返屋企同屋企人食生日飯啦!媽媽為我準備0左好多野丫~今個生日過得開心而平淡~好好 9/5(Fri) 今日本來0的匯豐人話去尖咀度bbq架，點知book唔到位，之後改0左去和民度食野~有成十幾個人，不過都幾開心啦，同佢地close0左，吹得下水~之後同一個都係住大埔0既男同事一齊搭271返屋企~唔講真係唔知你咁多經歷喎~返到黎就有禮物收啦~超開心丫~超中意丫~但係下次唔好用咁多錢啦~多謝晒 10/5 (Sat) 今日染0左頭髮，但係隻紫色出唔到丫，好唔開心…返去同媽媽食晚飯，點知我講0左一0的我唔應該講0既野，sorry..... 11/5 (Sun) 今日返0左廸士尼，好開心丫，有一年0既時間都無返過黎啦，comet0的人愈走愈多啦，有好多人我都唔識，不過見返你地我真係好開心丫，我仲記得我地0係開park時經歷0既野…希望以後我地都係咁好啦~之後去0左小小世界玩，0的野都係無咩特別，但係0的公仔都幾靚0既…玩到7點幾就走0左啦，因為要返去睇波，yeah~曼聯終於都贏0左芵超啦~ 12/5 (Mon) 今日假期，唔使返工。一早同0左阿媽佢地去打波，不過打0左一陣就無打啦~之後就等奶返黎同佢一齊返佢屋企玩，仲見埋佢0的叔伯tim…同佢地一齊食飯，佢地0係度閒話家常，感覺都幾好笑…哈哈…希望我遲0的都有機會再見你0的世叔伯啦，玩到十點幾就返屋企啦。明天上班。 13/5 (Tue) 今日約0左zero同becky食飯，我放五半，becky出黎join我。唔知點解，搞搞下會去0左zero屋企食飯，佢地俾0左好多秘密0既zanga我睇，哈哈，無你地0既解畫，我真係一0的都睇唔明丫…玩到十一點幾先返到屋企，好期待0係hiro返新工前，我地再一次0既dating丫~ 14/5(Wed) 今日無咩野做，匯豐0的野好似愈來愈唔明，都有0的驚。夜晚去0左食sushi，係我一直都好想0既和花亭，都無咩特別…食到7點幾就返屋企，點知有的士0係小巴站搵客，一位十五蚊，即上，唔使四個字返到屋企，抵﹗返到去睇0左陣電視，跑步，訓覺… | 
